Búgin 8 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2025 jyldyń 20 qarashasynda Almaty, Atyraý, Shymkent, Pavlodar, Jezqazǵan, Balqash, Óskemen, Rıdder qalalarynda qolaısyz meteorologııalyq jaǵdaılar kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, 20 qarashada elimizdiń birqatar óńirinde aýa raıyna baılanysty daýyldy eskertý jarııalandy. Sınoptıkter óńirlerde kóktaıǵaq, tuman, burqasyn bolatynyn habarlady.