Búgin 8 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 2025 jylǵy 30 qarashada qolaısyz meteorologııalyq jaǵdaılar Atyraý, Aqtóbe, Almaty, Qaraǵandy, Jezqazǵan, Balqash, Temirtaý qalalarynda, túnde Qostanaı qalasynda bolýy múmkin, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Sınoptıkterdiń boljamy boıynsha búgin keı óńirlerde qar jaýyp, kóktaıǵaq bolady.