Búgin 8 qalada aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2025 jylǵy 22 qarashada qolaısyz meteorologııalyq jaǵdaılar Almaty, Atyraý, Shymkent, Qaraǵandy, Jezqazǵan, Balqash, Temirtaý jáne túnde Astana qalasynda bolýy múmkin, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salaıyq, búgin Astana men taǵy 15 óńirde tuman túsip, kóktaıǵaq bolady.