Búgin 7 qalada jaısyz meteorologııalyq jaǵdaı qalyptasady
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 26 qazanda Pavlodar, Qaraǵandy, Temirtaý, Aqtóbe, Taldyqorǵan, Almaty, Astana qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, elimizdiń 16 oblysynda aýa raıyna baılanysty eskertý jarııalandy.
Buǵan deıin Ekibastuzda ekologııalyq talaptardy buzǵan kásiporyn 70 mln teńgege jýyq aıyppul tóledi.
Sondaı-aq Shyǵys Qazaqstan oblysynda ekologter Novo-Berezov ken ornyndaǵy ekologııalyq zańbuzýshylyqtardy anyqtady.
