Búgin 7 qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi qalalardyń aýa sapasyna qatysty boljamyn jarııalady.
— 2025 jylǵy 24 qyrkúıekte qolaısyz meteorologııalyq jaǵdaılar Qaraǵandy, Jezqazǵan, Balqash, Temirtaý, Aqtóbe, Aqtaý, túnde Atyraý qalalarynda kútiledi, — delingen aqparatta.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
