Búgin 6 qalada aýa sapasy nasharlaıdy

ASTANA. KAZINFORM – Búgin Qazaqstannyń 6 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.  

- 2025 jylǵy 11 aqpanda Qaraǵandy, Jezqazǵan, Balqash, Temirtaý, Aqtóbe, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske salsaq, keshe aýa sapasy tómen qalalar sany eki ese óskenin jazǵan edik.