Búgin 5 qalada jaısyz meteorologııalyq jaǵdaı qalyptasady

ASTANA. KAZINFORM – Búgin Qazaqstannyń bes qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.

-2025 jylǵy 27 qyrkúıekte qolaısyz meteorologııalyq jaǵdaılar Qaraǵandy, Temirtaý, Almaty, Atyraý, Óskemen qalalarynda kútiledi,-delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.