Búgin 5 qalada aýa sapasy tómendeıdi

ASTANA. KAZINFORM — «Qazgıdromet» RMK eldiń birneshe qalasynda aýa sapasy tómendeıtinin habarlady. 

— 2025 jyldyń 20 qazanynda Aqtóbe, Almaty, Shymkent, Temirtaý, Qaraǵandy ​​qalalarynda qolaısyz aýa raıy boljandy, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Aıta keteıik, 12 óńirde qolaısyz aýa raıyna baılanysty eskertý jarııalandy.