Búgin 5 qalada aýa sapasy tómendeıdi

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.  

— 2025 jylǵy 20 qyrkúıekte qolaısyz meteorologııalyq jaǵdaılar Oral, Almaty, Astana qalalarynda, túnde Atyraý men Qostanaıda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aldaǵy úsh táýlikte eldiń basym bóliginde aýa raıyn atmosferalyq fronttar aıqyndaıdy. Olarǵa baılanysty jekelegen óńirlerde jańbyr jaýyp, naızaǵaı oınaıdy, jel kúsheıedi, burshaq pen daýyl soǵýy yqtımal.