Búgin 5 qalada aýa sapasy tómendeıdi

ASTANA. KAZINFORM — «Qazgıdromet» RMK elimizdegi qalalardyń aýa sapasyna qatysty boljamyn jarııalady. 

— 2025 jylǵy 23 qyrkúıekte qolaısyz meteorologııalyq jaǵdaılar Atyraý, Aqtóbe, Aqtaý, túnde Qaraǵandy, Temirtaý qalalarynda kútiledi, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.