Búgin 5 qalada aýa sapasy nasharlaıdy — Qazgıdromet
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 19 tamyzda Almaty qalasynda, túnde Atyraý, Aqtóbe, Óskemen, Kókshetaý qalalarynda qolaısyz meteorologııalyq jaǵdaı kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Atyraýda ekologııa talaptaryn buzǵandarǵa 2,4 mlrd teńge aıyppul salyndy.
Budan bólek aımaqta ekologııalyq tekseristi paramen sheshpek bolǵan basshy 270 mln teńge aıyppul arqalady.
Qazir Túrkistan oblysynda jylyjaılar sany artqan saıyn olardan shyǵatyn tútin men atmosferanyń lastanýyna qatysty turǵyndardyń shaǵymy da jıilep keledi.
