Búgin 4 qalada aýa sapasy tómendeıdi

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.

— 2025 jylǵy 19 qyrkúıekte qolaısyz meteorologııalyq jaǵdaılar Aqtóbe Kókshetaý, túnde Atyraý, Qostanaı qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Ońtústik tsıklon jáne onymen baılanysty atmosferalyq frontaldi bólikter Respýblıka aýmaǵynyń basym bóligine áserin saqtaıdy – naızaǵaımen birge jańbyr jaýady.

18-19 qyrkúıekte respýblıkanyń soltústik-shyǵysynda, ortalyǵynda, ońtústik-shyǵysynda nóser jańbyr, kúshti jel, burshaq kútiledi. Tek batysta jáne soltústik-batysta jaýyn-shashynsyz aýa raıy boljanady. Respýblıka boıynsha jeldiń kúsheıýi boljanady, soltústik-batysta, soltústikte, shyǵysta túngi jáne tańǵy saǵattarda tuman túsedi.