Búgin 4 qalada aýa sapasy nasharlaıdy

25 jeltoqsan kúni Qazaqstan aýmaǵynyń basym bóliginde qolaıly meteorologııalyq ahýal saqtalady, dep habarlaıdy Kazinform.

«Qazgıdromet» RMK málimetine súıensek, dúısenbide aýa sapasy tek Almaty, Rıdder, Óskemen jáne Semeı qalalarynda nasharlaıdy. Ózge shaharlarda meteoahýal norma sheginde bolady.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.