Búgin 20 myńnan astam qyzylordalyq tazalyqqa atsalysty
QYZYLORDA. KAZINFORM — «Naýryznamanyń» ekologııalyq naýqanǵa arnalǵan «Tazarý kúnin» óz dárejesinde ótkizýge 20 myńnan astam qyzylordalyq úles qosty.
Búgin oblys ákimi Nurlybek Nálibaev «Taza Qazaqstan» ekologııalyq baǵdarlamasy aıasynda Qyzylordadaǵy botanıkalyq saıabaqta tal egý rásimine qatysty.
Bıyl jalpy tazalyq jumystaryna 63 myńnan astam erikti, qoǵam qaıratkeri, bıýdjet salasy men kásiporyn qyzmetkerleri atsalysyp jatyr.
— Eldi mekenderdegi skverler men parkter, tarıhı-mádenı eskertkishter, áleýmettik nysandar, ónerkásip jáne bıznes nysandary, sý obektileri, kóshelerdiń boıy tazartylyp, 2,5 myń tonnadan astam qoqys shyǵaryldy. Oǵan 600-den astam tehnıka jumyldyryldy, — delingen ákimdik habarlamasynda.
Bıyl óńirdiń klımatyna sáıkes keletin, jersinetin 23,5 myńnan astam túp qaraǵash, terek jáne Syr talynyń kósheti egildi.
Aıta keteıik, bul kún — tabıǵatpen úndestikti saqtaýdyń mańyzdylyǵyn jáne adamnyń qorshaǵan álemniń ajyramas bóligi ekenin eske salatyn sát.