Búgin 2 megapolıs pen 6 qalada aýa lastanady

ASTANA. KAZINFORM – Búgin Qazaqstannyń 8 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet» RMK-sy.

Kásiporynnyń derekterine qaraǵanda, 2025 jylǵy 16 naýryzda Qaraǵandy, Jezqazǵan, Temirtaý, Balqash, Óskemen, Shymkent qalalarynda, túnde Atyraý, Astana qalalarynda aýanyń lastanýynyń qolaısyz meteorologııalyq jaǵdaılar qalyptasady.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin Óskemen aspanyn 16 kún boıy tútin basyp turǵanyn týraly jazdyq.