Búgin 10 óńirde aptap ystyq bolady — Qazgıdromet
ASTANA. KAZINFORM — «Qazgıdromet» RMK sınoptıkteri 28 maýsym kúngi aýa raıy boljamyn jarııalady.
Qazaqstan aýmaǵyna álide soltústik-batys tsıklony jáne onymen baılanysqan frontaldy bólimder óz áserinen tıgizip, naızaǵaıly jańbyr jaýyp, burshaq, daýyl kútiledi. Elimizdiń batysynda, soltústiginde, ońtústiginde, ońtústik-shyǵysynda qatty jańbyr jaýýy yqtımal. Respýblıka boıynsha jel kúsheıedi, elimizdiń soltústiginde, shyǵysynda túnde jáne tańerteń tuman bolady.
Kúndiz Almaty, Jambyl, Pavlodar, Qaraǵandy, Shyǵys Qazaqstan, Jetisý, Abaı oblystarynda 35-38 gradýs qatty ystyq boljanǵan.
Al Túrkistan oblysynda termometr baǵany 40-42 gradýsty kórsetedi.
Kúndiz Jetisý oblysynyń soltústiginde 40 gradýs aptap ystyq bolady.
Aıta keteıik, Astanada 23 maýsym kúni aýa temperatýrasy +36,8°C-qa deıin kóterilip, 85 jyldyq rekord jańartyldy. Buǵan deıingi eń joǵary kórsetkish 1941 jyly tirkelgen +36,4°C bolǵan edi.
