Búgin 10 qalanyń aýa sapasy nasharlaıdy – Qazgıdromet

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

– 11 sáýirde Qaraǵandy, Jezqazǵan, Balqash, Temirtaý, Aqtaý, Óskemen, Semeı, Rıdder, Astana, Almaty qalalarynda qolaısyz meteorologııalyq jaǵdaılar kútiledi, – delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazaqstanda sýǵa uqypty qaraý mádenıeti kúsheıtilip jatyr. 

Sondaı-aq elde úsh myńnan astam zańsyz qoqys úıindisi joıyldy.