Búgin 10 qalada aýa sapasy buzylady

ASTANA. KAZINFORM – «Qazgıdromet» RMK 19 qańtarda Qazaqstan qalalarynda qalyptasatyn aýa sapasyna boljamyn jarııalady.

Sınoptıkter málimetinshe, juma kúni Almaty, Shymkent, Aqtóbe, Qaraǵandy, Temirtaý, Pavlodar, Óskemen, Semeı, Rıdder qalalarynda, túnde Astana qalasynda qolaısyz meteorologııalyq jaǵdaı kútiledi. Eldiń ózge qalalarynda aýa sapasy norma sheginde bolady.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.