Búginnen bastap Kókshetaýdan Almatyǵa 8990 myń teńgege ushyp barýǵa bolady
KÓKShETAÝ. QazAqparat – Búginnen bastap Kókshetaýǵa Almatydan ushaqtar qatynaıtyn boldy.
Alǵashqy reısti Aqmola oblysy ákiminiń orynbasary Qanat Ydyrysov, Kókshetaý qalasynyń ákimi Amangeldi Smaıylov, áýejaı ákimshiligi men jýrnalıster qarsy aldy, dep habarlaıdy QazAqparat tilshisi.
«Jańa áýe reısi óńirge týrıster aǵynyn arttyrýǵa múmkindik beredi», - dedi Qanat Ydyrysov.
Aımaq basshysy orynbasarynyń málimetinshe, búginnen bastap, «FlyArystan» áýe kompanııasynyń ushaqtary Kókshetaýdan Almatyǵa aptasyna úsh ret (seısenbi, beısenbi, senbi kúnderi) qatynaıdy. Jaz aılarynda reıster sanyn arttyrý josparda bar. Sonymen qatar, «Kókshetaý – Qaraǵandy» baǵytynda áýe reısterin ashý (bılet baǵasy 4990) josparlanyp otyr.
Bıylǵy jyly «Kókshetaý-Aqtóbe» reısterin iske qosý josparlanǵan. Reıster qazirgi zamańǵy «Airbus A320» ushaqtary arqyly júzege asyrylatyn bolady. Eń arzan bılet tańǵy reıste 8990 teńge turady.
