Búginnen bastap Qazaqstan naryǵyna Hyundai Elantra úlgisiniń besinshi býyny satylymǵa shyqty
Almatyda demalys kúni Hyundai Elantra-nyń tusaýkeseri bolyp ótti.
«Astana Motors» KMK kompanııasy Bas dırektorynyń orynbasary Anton Afonınniń aıtýynsha, Elantra-nyń alǵashqy úlgisi 1990 jyly shyqqan. "Bunyń aldyndaǵy tórt úlgi álemdik eń úzdik qalalyq kólikteri bolyp tanyldy. Bunymen qatar, barlyq úlgiler "eń tıimdi avtokólikter" ondyǵyna kirdi. 90-shy jyldardan beri álem boıynsha osy kólikterdiń 6 mıllıony satyldy. 2008 jyly Hyundai Elantra "Consumer Reports" tanymal jýrnalynyń "Top pick" («úzdik tańdaý») atalymyn jeńip aldy, al, "J.D. Power and Associates" marketıngtik fırmanyń zertteý nátıjesi boıynsha Elantra 2009 jyly, álemge tanymal japondyq kompanııa óniminen asyp túsip, compact car klasynyń eń senimdi avtokóligi atandy",-dedi ol.
Onyń aıtýynsha, Elantra-nyń besinshi býyny - Hyundai ınjenerleriniń kóp jylǵy tájirıbelerin boıyna jınaǵan jáne zamanaýı, joǵarǵy tehnologııalyq ónim bolyp tabylady. "Besinshi býyn - erekshe dızaındy, yńǵaıly, ádemi, senimdi de, únemdi, qazaqstandyq jaǵdaıǵa arnalǵan avtokólik. Bir sózben aıtqanda, kólik stıl men fýnktsıonaldylyqty baǵalaıtyn jandarǵa arnalǵan dese bolady",-dep atap ótti ol.
"Hyundai Auto Almaty" avtokólik ortalyǵynyń satý bóliminiń bastyǵy Daýren Júnisbekovtyń aıtýynsha, Qazaqstanǵa Hyundai Elantra-nyń úsh - Base, Optima jáne Lux úlgileri usynylatyn bolady. "Elimizdiń Hyundai dılerlik ortalyqtarynda jańa kólikterdiń baǵasy 2 810 000 teńgeden - 3 537 000 teńge aralyǵynda turatyn bolady. Barlyq kólikterge 5 jyldyq kepildik beriledi. Qazirgi ýaqytta kólikterdi satýmen elimizdiń barlyq aýmaǵynda ornalasqan 15 dıllerlik ortalyqtar aınalysýda",-dedi ol.
