Búginnen bastap Almaty áýejaıy shtattyq rejımde jumys isteıdi

ALMATY. QazAqparat - Almaty áýejaıy shtattyq rejımde jumys isteıdi. Bul týraly áýejaıdyń baspasóz qyzmeti málim etti, dep habarlaıdy QazAqparat tilshisi.

«Almatyda tótenshe jaǵdaı rejımi jáne komendanttyq saǵattyń aıaqtalýyna baılanysty 19 qańtardan bastap Almaty halyqaralyq áýejaıy shtattyq rejımde jumysyn júrgizedi»,- delingen habarlamada.

Eske sala keteıik, 5 qańtardan 19 qańtarǵa deıin Prezıdent Qasym-Jomart Toqaevtyń jarlyǵymen eldegi qıyn jaǵdaıǵa baılanysty tótenshe jaǵdaı jarııalanyp, túngi saǵat 23:00-den tańǵy 7:00-ge deıin komendanttyq saǵat engizilgen bolatyn.