Búginnen ár azamat saılaýshylar tizimindegi ózi týraly derekterdi tirkelgen jerindegi saılaý ýchaskesinde teksere alady
Ol úshin ýchaskelik saılaý komıssııasyna jeke basyn kýálandyratyn, sondaı-aq turǵylyqty jerinde tirkelgenin rastaıtyn qujattarmen (mekenjaı anyqtamasy nemese azamattardy tirkeý kitaby) kelip, saılaýshylar tizimimen muqııat tanysý qajet.
Mekenjaı anyqtamasyn saılaýshy halyqqa qyzmet kórsetý ortalyǵynda (HQO), «elektrondyq úkimet» portalynda (elektrondyq-sandyq qoltańbasy - ESQ-sy bolǵan jaǵdaıda) nemese HQO-da ornalasqan QQP-termınaldan JSN arqyly ala alady.
Tegi tizimde bolmaǵan nemese ózi týraly derekterde dálsizdikter jiberilgen jaǵdaıda saılaýshy kórsetilgen qujattar negizinde ózin tizimge kirgizýdi nemese qajetti túzetýler engizýdi talap eteýge múmkindigi bar.
Saılaýshylar týraly aqparatty naqtylaý úshin respýblıkanyń árbir aýdany men qalasynda mamandandyrylǵan Call-ortalyq quryldy. El boıynsha olardyń sany 441. Óziniń aýdanyndaǵy nemese qalasyndaǵy Call-ortalyǵyna telefon shalyp, saılaýshy sondaı-aq óziniń saılaýshylar tizimine engizilgeni, qaı saılaý ýchaskesinde tirkelgeni týraly málimetterdi bilip, sonymen qatar ózi týraly derekterdi teksere alady. Call-ortalyqtarynyń telefondary týraly aqparat jergilikti buqaralyq aqparat quraldarynda jarııalanady.
Áskerı bólimder boıynsha olarda turatyn áskerı qyzmetshilerdiń barlyǵy, sondaı-aq olardyń otbasy músheleri jáne ásker bólimderi ornalasqan jerlerde turatyn basqa da saılaýshylar engiziledi. Áskerı bólimderden tys jerlerde turatyn áskerı qyzmetshiler saılaýshylar tizimine turǵylyqty jeri boıynsha jalpy negizde engiziledi.
Shet memleketterdegi Qazaqstan Respýblıkasynyń ókildikteri janyndaǵy saılaý ýchaskeleri boıynsha tıisti shet memlekette turatyn nemese uzaq merzimdi sheteldik issaparda júrgen ári Respýblıkanyń jaramdy tólqujaty bar barlyq azamattar engiziledi. Shet memleketterge jeke shaqyrý boıynsha, qyzmettik, iskerlik jáne týrıstik saparǵa kelgen azamattar ýchaskelik saılaý komıssııasyna ótinish jasaǵan jaǵdaıda jáne olardyń Qazaqstan Respýblıkasynyń azamaty degen jaramdy tólqujaty bolsa, sondaı-aq saılaýshylar tizimine engizilýi tıis.
Jataqhanalarda turatyn, kúndizgi bólimde oqıtyn stýdentter men aspıranttar jataqhananyń turǵan jeri boıynsha saılaýshylar tizimine engiziledi, al jataqhanada turmaıtyndar HQO-ǵa júginip, jataqhananyń nemese JOO-nyń ornalasqan mekenjaıy boıynsha ýaqytsha tirkele alady. Budan keıin olar sondaı-aq jataqhananyń nemese JOO-nyń ornalasqan jeri boıynsha saılaýshylar tizimine engiziledi.
Qazaqstan Respýblıkasynyń aýmaǵynda óziniń eldi mekeninen tys shyqqan jaǵdaıda eldiń kez kelgen ýchaskesinde daýys berý quqyǵyna arnalǵan esepten shyǵarý kýáligi múmkindik beredi. Ony saılaýshy tirkelgen jeri boıynsha ýchaskelik saılaý komıssııasynda jazbasha ótinishi men jeke basyn kýálandyratyn qujatty usynýy boıynsha 10 sáýirden bastap 25 sáýir kúni saǵat 18.00-ge deıingi kezeńde ala alady.
Sonymen qatar azamat ýákiletti tulǵaǵa óz atyna esepten shyǵarý kýáligin alý quqyǵyna notarıat rastaǵan senimhatty berýge quqyly. Bul basqa eldi mekenge ketip qalǵan, óz ýchaskesine kelý múmkindigi joq saılaýshylardyń esepten shyǵarý kýáligin alyp, saılaýǵa qatysýyna múmkindik beredi. Bul rette bir eldi mekenniń sheginde esepten shyǵarý kýálikteri berilmeıtinin este saqtaý mańyzdy.
Daýys berý kúni esepten shyǵarý kýáligi men saılaýshynyń jeke basyn kýálandyratyn qujatty usynǵan jaǵdaıda ýchaskelik saılaý komıssııasy ony barǵan jeri boıynsha saılaýshylar tizimine engizedi.
