Búgingi jemqorlar óte saýatty - Murat Ábenov
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi sybaılas jemqorlyq boıynsha maqala jazatyn jýrnalısterdi oqytpaq.
Bul jaıynda búgin QR Ortalyq kommýnıkatsııalar qyzmetindegi baspasóz máslıhatynda «Atameken» ulttyq kásipkerler palatasynyń ókili Murat Ábenov aıtty, dep habarlaıdy QazAqparat.
«Sońǵy kezderi jemqorlyq faktileri oryn alǵan jaǵdaıda vatsap arqyly vıdeo taraıtyn bolyp júr. Oǵan sene berýge bolmaıdy. Óıtkeni, sodan keıin jýrnalıster jaýapkershilikke tartylyp jatady. Osyǵan oraı biz agenttikke (QR Memlekettik qyzmet isteri jáne sybaılas jemqorlyqqa qarsy is-qımyl agenttigi) sybaılas jemqorlyq boıynsha maqala jazatyn jýrnalısterge jumys isteý tásilderin kórsetip, tehnologııalardy úıretý jónindegi usynys jasadyq. Agenttik qabyldady», - dedi Murat Ábenov.
Sonymen qatar ol barlyq memlekettik organdardyń baspasóz hatshylaryn kez kelgen jaǵdaıda qalaı jedel jumys isteý qajettigin, jedel aqparatty qalaı berý kerektigin úıretý qajettigin aıtty.
«Jalpy, jemqorlar óte saýatty. Jyldan jylǵa jemqorlardyń saýattylyǵy joǵarylap keledi. Internet arqyly bir-birne para beredi, shetelden esepshot ashady. Kózge kórinbeıtindeı áreketter jasaıdy. Olardy ashý úshin jýrnalıs te, qoǵam da saýatty bolýy tıis», - dedi ol.
Al «Azamattyq alıans» azamattyq quqyq odaǵynyń prezıdenti Dýambek Musaǵalı jemqorlyq faktilerine qatysty málimetterdi jarııalaıtyn arnaıy baspasóz klýbynyń bolǵandyǵyn, biraq, jýrnalısterdiń belsendilik tanytpaýy saldarynan jabylǵanyn atap ótti.
«Biz talaı ret baspasóz máslıhatyn uıymdastyrǵan kezde jýrnalıster kelýin qoıdy. Olar aldyn ala qandaı taqyryp ekendigin surap alyp, qyzyqty bolmasa kelmeı qoıady. Sodan keıin atalǵan klýbymyzdy japtyq. Jýrnalıster belsendiliginiń báseńdeýi saldarynan áleýmettik jeli qatty damyp ketti», - dedi Dýambek Musaǵalı.
