Búgingi jastardyń qazaq tilinde erkin sóıleı almaýy ókinishti - Til komıtetiniń tóraǵasy E.Sháımerden
sp;ASTANA. Qarashanyń 24-i. QazAqparat /Arman Asqarov/ - Astanadaǵy Eýrazııa ulttyq ýnıversıtetinde «Til men ádebıetti oqytýdyń teorııasy men ádistemesindegi ınnovatsııalyq tehnologııalar: máseleler jáne damý joldary» taqyrybyndaǵy halyqaralyq ǵylymı-tájirıbelik konferentsııa óz jumysyn bastady,
dep habarlaıdy QazAqparat.
Ǵylymı máslıhatta qazaq tili men ádebıetin jańa aqparattyq tehnologııalardyń negizinde oqytý jáne osy saladaǵy halyqaralyq tájirıbeni keńinen qoldaný máseleleri talqylanýda. Memlekettik tildi júıeli oqytýdyń jańa joldary, ilespe aýdarma jumysyn damytý, «til-mádenıet-aýdarma» tutastyǵyn saqtaý jáne taǵy basqa ózekti problemalar konferentsııanyń basty taqyrybyna aınalyp otyr.
«Biz búgingi jastardyń qaı ulttyń ókili bolmasyn, joǵary oqý ornynan keıin qazaq tilin bilip shyǵýy tıis dep aıtqan bolatynbyz. Sodan beri eki tolqyn joǵary bilim alyp shyqty. Ókinishke qaraı, búgingi tańda barlyq memlekettik organdarda sol býynnyń ókilderi otyr. Olar áli kúnge deıin qazaq tilinde erkin sóıleı almaıdy. Mine, búgingi konferentsııa osy máseleni tereńdeı zerttep, naqty is-sharalardyń qabyldanýyna óz septigin tıgizýi tıis», dedi májilistiń ashylý saltanatynda QR Mádenıet jáne aqparat mınıstrligi Til komıtetiniń tóraǵasy Erbol Sháımerden.
