Búgingi jastar zulmat soǵystyń ne ekenin bilmeı óssin dep tileımin - UOS ardageri

ASTANA. 9 mamyr. QazAqparat - Búgingi jastar zulmat soǵystyń ne ekenin bilmeı óssin dep tileımin. Búgin elordadaǵy «Otan qorǵaýshylar» monýmenti alańynda ótken merekelik shara barysynda Uly Otan soǵysynyń ardageri Tatıana Smırnova osyndaı tilegin bildirdi.

«Zulmat soǵysty kórgen bizdiń býyn elimizdiń kók aspanynda árqashan da beıbitshilik bolýy úshin kóptegen qıyndyqtardy bastan keshirip, taǵdyrdyń mol taýqymetin tarttyq. Endigi ýaqytta qazirgi býyn men bolashaq urpaq esh ýaqytta zulmat soǵysty kórmesin dep tileımin», - dedi T.Smırnova.

1923 jyly dúnıege kelgen ol Soǵystyń alǵashqy jylynda-aq maıdanǵa attanǵan bolatyn. Talaı qıyndyqtardy bastan keshirgen T.Smırnova elge 1945 jyly Rýmynııadan oraldy.