«Búgingi jas - erteńgi el tiregi» forýmy 100-ge jýyq jetkinshektiń basyn qosty
Aqmola oblysy ishki saıasat basqarmasynyń «Balalar men jasóspirimder qozǵalysyn damytýǵa baǵyttalǵan is sharalardy ótkizý» áleýmettik jobasy aıasynda Zerendi aýdanyndaǵy «Aurora Garden» demalys ornynda oblystyq «Jas ulan» biryńǵaı balalar men jasóspirimder uıymynyń uıymdastyrýymen jastar forýmy ótti. Oǵan oblystyń ár óńirinen 100-ge jýyq bala men jasóspirim qatysty. Respýblıkalyq «Jas ulan» biryńǵaı balalar men jasóspirimder uıymynyń tóraıymy Dınara Sádýaqasovanyń aıtýynsha, forýmǵa ár aýdannan 3-5 oqýshy tańdap alynǵan.
«Forým aıasynda «Kóshbasshy qasıetin damytý» trenıngi, «Men jeńimpazbyn!» atty kóńildi sporttyq jarys, «Úzdik kóshbasshy» baıqaýy ótken. Baıqaý qorytyndysy boıynsha oblystyq daryndy balalarǵa arnalǵan №3 mektep ınternatynyń oqýshysy Aıan Jańabekov - birinshi, Tselınograd aýdanynan kelgen Amır Mahmet - ekinshi, Astrahan aýdanynan kelgen Dılnaz Momysheva - úshinshi oryn ıelendi.
«Jigerli kóshbasshy» atalymy boıynsha kókshetaýlyq Laýra Faızýlla, «Ójet kóshbasshy» atalymy boıynsha Jaqsy aýdanynan kelgen Álııa Áshim, «Kórermen kózaıymy» atalymy boıynsha býrabaılyq Mereı Aıtmaǵambetov pen atbasarlyq Ámına Baǵysova jáne esildik Alına Frants jeńimpaz atandy», - deıdi Dınara Sádýaqasova.
Shara sońynda belgili kásipkerlermen ashyq dıalog alańy uıymdastyrylyp, balalar ózderin qyzyqtyrǵan suraqtarǵa jaýap aldy.
