Búgingi jaǵdaılar OAÓEY-2030 jańa startegııasyn ázirleýdi talap etedi - Dálenov
Dıalogtyq alańnyń spıkerleri Ortalyq Azııa óńirlik ekonomıkalyq yntymaqtastyǵy (OAÓEY) -2030 jańa strategııasyn ázirleýdiń qajettigin málimdedi.
Ulttyq ekonomıka birinshi vıtse-mınıstri Rýslan Dálenov OAÓEY ózin tıimdi damý ınstıtýty retinde tanytqandyǵyn atap ótti.
«Búginde 29 mlrd AQSh dollary somasyndaǵy jobalar júzege asyrylǵan jáne is asyrylý deńgeıinde. OAÓEY - bul stavkalary berilgen kredıtter boıynsha tıimdi bolyp tabylatyn qaryzdar, jeńildikpen jáne uzaq merzimdik kezeńge berilýi múmkin. ıAǵnı, bul yntymaqtastyq bolyp tabylady, sebebi jobalar aımaqtyq mańyzǵa ıe, olar ekonomıkalyq dáliz arqyly júzege asyrylýda. Sondyqtan tıimdilikti eseleı túsedi, óıtkeni óńirdegi barlyq elderdi qosa otyryp, solar arqyly ótedi», - dedi vıtse-mınıstr.
Onyń pikirinshe, jańa syn-qaterler men qaýipterdiń paıda bolýyna oraı álemdegi ózgerip jatqan ahýaldar jańa strategııada ózara is-qımyl salasyn keńeıtýdi, qabyldanǵan sheshimderge keltirip otyrǵan kedergilerdi joıýdy qajet.
«Sondyqtan búginde OAÓEY-nyń 2030 jylǵa deıingi jańa strategııasyn daıyndaýdyń kezeńinde turmyz. Bizdiń aımaqqa áser etetin halyqaralyq qarjylyq ınstıtýttar paıda bolýda. Menińshe, strategııada sektorlardy, salalardy, belgilengen maqsatty ındıkatorlardy keńeıtý qajet, sondaı-aq sheshim qabyldaý tetigin ońaılatýǵa bolady», - dedi R. Dálenov.
Ol Qazaqstanda jańa strategııaǵa zor senim artylyp otyrǵandyǵyn atap ótti.
«Búgingi kezdesý OAÓEY-2030 jańa strategııasynyń ázirleýin jaqyn arada bastalýyna mańyzdy úles qosatynyna senimdimin. Ol barlyq elder men sektorlardyń suranysyn eskeretin bolady», - dedi ol.