Búgingi zamanda esti ándi eser ánnen ajyratý úshin bizge Jamal Omarovanyń ánderindeı ánder kerek - D. Myńbaı
ASTANA. 20 maýsym. QazAqparat - Astanadaǵy Kúlásh Baıseıitova atyndaǵy opera jáne balet teatrynda Qazaq KSR halyq ártisi, qazaqtyń áıgili ánshisi Jamal Omarovanyń 100 jyldyǵyna arnalǵan merekelik kontsert ótti.
Sharanyń saltanatty ashylý rásimi kezinde kirispe sóz sóılegen QR Mádenıet jáne aqparat mınıstri Darhan Myńbaıdyń atap ótkenindeı, Jamal Omarovanyń ómiri de, óneri de keıingi býynǵa ǵajaıyp ónege bolyp qalmaq.
«Jamal Omarova - óner men mádenıettegi qaıtalanbas tulǵa. Qazaq halqynyń osyndaı óner maıtalmandarynyń ómirin, ónerin árqashan da qasıettep, qurmetteı bilsek, sonda ǵana biz ózimizdiń taý sýyndaı móldir ónerimizdi saqtaı alamyz», - deıdi D. Myńbaı.
«Jamal Omarovanyń sol kezde jazyp alynǵan ánder taspasyn óńdep, taza qalpynda jetkizýge barlyq múmkindikterimiz bar. Sonyń barlyǵy altyn qorda saqtaýly, olardy jaryqqa shyǵaryp, elge tanystyrýǵa tıistimiz. Óıtkeni mynadaı zamanda esti ándi eser ánnen ajyratý úshin bizge osyndaı ánder kerek. Bizdiń jastarymyzdy, óner jolyndaǵy jas býyndy tárbıeleý úshin osyndaı ónerpazdar dáriptelýi qajet», - dedi mınıstr.
Kontsertte QR halyq ártisi Sara Tynyshtyǵulova, QR eńbek sińirgen ártisi Jannat Baqtaı, QR eńbek sińirgen qaıratkerleri Aıgúl Nııazova, Jámılá Jarqymbaeva, Ǵalııa Baıǵazınova, Azamat Jyltyrkózov, halyqaralyq konkýrstardyń laýreattary Aızada Qaponova, Bıbigúl Januzaq, Beıimbet Tanaryqov, Baıan Júsipova, sonymen qatar Astana qalasynyń Memlekettik fılarmonııasynyń qazaq halyq aspaptar orkestri, «Shalqyma» bı ansambli, K.Baıseıitova atyndaǵy UOBT orkestri, hory jáne balet trýppasy óner kórsetti.
Jamal Omarova - Ózbek SSR-niń ıAngııýl qalasynda týyp, Tashkent qalasynyń pedagogıkalyq ýchılışesin bitirgen. Ol qazaqtyq ulttyq operasy men án mádenıetin damytýǵa úlken úles qosyp qana qoımaı, akterlik kásipke de keńinen aralasqan adam. Ol mýzykalyq dramalyq spektaklderden Maqpal (B. Maılınniń «Shuǵasy»), Qamqa (Ǵ. Músirepovtyń «Qyz Jibegi»), Aıman (M. Áýezovtiń «Aıman-Sholpan») obrazdaryn jasady. Onyń repertýarynda «Bıpyl», «Qaratorǵaı», «Látıpa», «Láılim», «Ahaý bıkem», «Shynar-aı», «Ertis» sııaqty qazaqtyń halyq ánderi, Evgenıı Brýsılovskııdiń «Altaı», Shámshi Qaldaıaqovtyń «Meniń Qazaqstanym», A. Telǵozıevtiń «Meniń elim» jáne taǵy da basqa ánderi bar bolatyn.
1934 jyldan bastap Jamal Omarova qazaq radıosynda jumys istep, sol kúnnen bastap ánshiniń eshkimge uqsamaıtyn qaıtalanbas ǵajap daýysy kún saıyn radıodan shyrqalyp, respýblıkanyń barlyq oblystaryn aralaǵan gastroldik saparlarynda elge keń jaıylyp, taralyp jatty.
Jamal Omarova - halyqtyń súıiktisi, týma talanty, jaryq juldyzy bolǵan erekshe qubylys.
