Búgingi tańda respýblıkamyz boıynsha 620 qosymsha bilim berý uıymy jumys isteýde - N.Arshabekov
ALMATY. Aqpannyń 18-i. QazAqparat /Ádilet Musahaev/ - Búgingi tańda respýblıkamyz boıynsha 620 qosymsha bilim berý uıymy jumys isteýde. Onda 517 998 balalar men jasóspirimder qamtylsa,
13784 qosymsha bilim pedagogy qyzmet atqarady. 159 uıym tıptik úlgidegi ǵımaratta, al qalǵandary jalǵa alynǵan oryndarda ornalasqan. Bul jaıynda QR Bilim jáne ǵylym mınıstrligi Mektepke deıingi jáne orta bilim departamentiniń dırektory Nurǵalı Arshabekov búgingi ótken semınar-keńeste aıtty, dep habarlaıdy QazAqparat.
Departament dırektorynyń aıtýynsha, qosymsha bilim berý salasy ózinshe úlken júıe. «Qosymsha bilim berý júıesiniń basty qundy basymdyqtary: oqý-tárbıe úrdisin demokratııalandyrý, salaýatty ómir saltyn qalyptastyrý, jeke tulǵanyń ózin-ózi bıleýin, shyǵarmashylyǵyn damytý. Sonymen qatar pedagogıkalyq shyǵarmashylyq úshin qajetti jaǵdaı jasaý, oqý-baǵdarlamalyq jáne ádistemelik qamtamasyz etýdiń jańa tehnologııalaryn qurý, daryndy balalarǵa qoldaý kórsetý jáne daralyǵyn damytý», deıdi N.Arshabekov.
