Búgingi senbilikte 4 myńnan astam jas kóshet otyrǵyzylady -I.Tasmaǵambetov
ASTANA. Qyrkúıektiń 18-i. QazAqparat /Jasulan Amanbaıuly/ - Osy kúnge deıin Astanada ótkizilgen senbilikterde 10 myńǵa tarta aǵash, 3 myńǵa jýyq buta otyrǵyzylǵan.
Bul týraly búgin Astana ótken jalpyqalalyq senbilik barysynda jýrnalısterge bergen suhbatynda qala ákimi Imanǵalı Tasmaǵambetov aıtty.
«Qalalalyq senbilik - sáýleti men sáni jarasqan, elordanyń tazalyǵy men tártibin eseleıtin jaqsy dástúr. Búgin jalpyqalalyq senbilikke 70 myńǵa jýyq elordalyq shyǵyp, qalany ásemdeýge, osy bir jaqsy dástúrge septiligin tıgizýge kóńil bildirip jatyr. Búgin 4 myńnan astam jas kóshet otyrǵyzylady, 3 myń tonnadan astam qoqys-qaldyqtar qalanyń syrtyna shyǵarylady», dedi qala I.Tasmaǵambetov.
Árbir adam jylyna 250 keli turmystyq qoqystar shyǵarady eken. Qalalyq aýqym úshin bul asa kóp kólem. Qala basshysynyń aıtýynsha, elorda tazalyǵyna jáne abattandyrýyna qajetti tehnıka jetkilikti. Kommýnaldyq sharýashylyqtar óz qyzmetterin oryndaı alyp júr.
I. Tasmaǵambetov, búgin qansha qoqys shyǵarǵanda emes, basty másele árbir turǵynnyń óz qalasyn syılaýdy úıretýde jatqandyǵyn tilge tıek etti.
«Senbiliktiń negizgi maqsaty - tárbıelik mánge kóńil bólý. Bul qalalyq adamǵa elordany jaı ǵana óz ómiriniń bir bóligi retinde ǵana emes, óziniń bolashaǵyn baılanystyryp, balalaryn tárbıeleıtin qala retinde túısinýine jol ashý. Máselen, Astanada tek senbilikterde 10 myńǵa tarta aǵash, 3 myńǵa jýyq buta otyrǵyzylǵan. Bul shamamen 5 saıabaq pen 25 shaǵyn baqqa para par», dep atap kórsetti ol.
