Búgingi saılaý - naǵyz laıyqty tulǵalardyń saılaýy - S. Jıenbaev
ALMATY. QazAqparat - Búgingi, QR Parlamenti Májilisi men ár túrli deńgeıdegi máslıhattar depýtattarynyń saılaýyn - naǵyz laıyqty tulǵalardyń saılaýy dep aıtýǵa bolady. Búgin №159-shy mektepte ornalasqan №372-shi saılaý ýchaskesine kelip, óz daýysyn bergen memleket jáne qoǵam qaıratkeri, Qazaq KSR saýda mınıstri, bıyl 95 jasqa aıaq basqan Sultan Jıenbaev osylaı málim etti.
«QR Parlamenti Májilisi men ár túrli deńgeıdegi máslıhattar depýtattarynyń saılaýyna daıyndyq joǵary deńgeıde júrgizildi. Bul saılaýdy naǵyz laıyqty tulǵalardyń saılaýy dep aıtýǵa bolady. Partııalar Qazaqstannyń barlyq óńirleri boıynsha belsendi jumystar atqaryp, saılaýǵa naǵyz laıyqty degen tulǵalardy usyndy», - dedi S.Jıenbaev.
Sonymen qatar, qoǵam qaıratkeri halyqty kele jatqan Naýryz merekesimen quttyqtap, eldiń ıgiligi úshin aıanbaı eńbek etýge shaqyrdy.
«Shyn mánisinde álemdik qarjy daǵdarysy bizge jetken joq. Biraq, qıyndyqtar barshylyq. Elbasy Nursultan Nazarbaevtyń arqasynda bul qıyndyqtardy eńseremiz degen senimdemin. Sondyqtan, daǵdarys bizge jetpesin desek, árbir azamat qoǵamnyń ıgiligi úshin aıanbaı eńbek etýi tıis. Ásirese, jastarǵa júkteler jaýapkershilik joǵary. Eldi jarqyn bolashaqqa bastaý, bedelin saqtap qalý - jastardyń belsendiligine tyǵyz baılanysty», - dedi S. Jıenbaev.
