Búgingi saılaý eldiktiń, aýyzbirliktiń, tatýlyqtyń jarqyn merekesi bolyp otyr - Saýytbek Abdrahmanov
ASTANA. QazAqparat - Búgingi saılaý eldiktiń, aýyzbirliktiń, tatýlyqtyń jarqyn merekesi bolyp otyr. Búgin «Egemen Qazaqstan» gazetiniń prezıdenti Saýytbek Abdrahmanov osyndaı pikir bildirdi.
«Jańa ǵana osy saılaý ýchaskesinde Keńes Odaǵynyń Batyry Rýslan Aýshevpen oılamaǵan jerde kezdesip, sóılesip qaldym. Ol kisi halyqaralyq baıqaýshy qatarynda kelip otyr eken. Ózderińiz bilesizder, Aýshev Qazaqstanda dúnıege kelgen azamat. Osy oraıda oǵan: «Sizdiń Qazaqstanda ótip jatqan saılaýdan alǵan áserińiz qandaı?» degen saýal qoıdym. Óz kezeginde Rýslan Sultanuly saılaý ýchaskesiniń aldyndaǵy kezekke eshqandaı da túsindirmeniń qajeti joq ekenin atap ótti. ıAǵnı, ol bul eldegi birliktiń, yntymaqtyń, tatýlyqtyń, sondaı-aq Qazaqstan halqynyń erteńine senetindiginiń aıqyn dáleli ekenin qadap aıtty»,- S. Abdrahmanov.
Sonymen qatar «Egemen Qazaqstan» gazetiniń prezıdenti daýys berýshilerdiń belsendigi Qazaqstandaǵy qazirgi ahýaldyń shyn máninde tamasha ekeniniń aıqyn kórinisi dep baǵalady. Osynyń aldyndaǵy saılaýlarda da halyq osy naýqandy mereke retinde qabyldaǵan. Al qazirgi tańda bul eldiktiń, aýyzbirliktiń, tatýlyqtyń jarqyn merekesine aınalyp otyr.
«Osy oraıda qazaqstandyqtardy búgin azamattyq paryzyn belsendi atqarýǵa shaqyramyz», - dep túıdi ol.
