Búgingi sammıt BRIKS-tiń rólin kúsheıtip, kóptegen ózekti máseleni sheshýge kómektesedi - Prezıdent
«Búgingi sammıt BRIKS-tiń rólin eleýli túrde kúsheıtip, ashyq dıalog pen ózara túsinistik negizinde jahandaǵy kóptegen ózekti máseleni sheshýge kómektese alady.
Bul sammıt halyqaralyq arenadaǵy jaǵdaı shıelenisken kezeńde ótip jatyr. Onyń sıpattary saıası qysym jasaýdan, konfrontatsııadan jáne jappaı sanktsııa salýdan kórinedi.
Sondyqtan men Shanhaı yntymaqtastyq uıymynyń qazirgi tóraǵasy retinde óńiraralyq yntymaqtastyqtyń perspektıvasy men ortaq múddeleri týraly kózqarasymyzdy jetkizgim keledi», - dedi Memleket basshysy jıynda.
Prezıdent osy múmkindikti paıdalanyp, Úndistannyń Premer-mınıstri Modıdi Aıdyń Ońtústik polıýsine taıaý jerge úndistandyq ǵarysh apparatynyń sátti qonýymen shyn júrekten quttyqtady.
«Bul – tarıhı ýaqıǵa», - dep baǵalady Q.Toqaev.
