Búgingi kúni kartalardyń 80 paıyzǵa jýyǵy jergilikti jerdiń qazirgi jaǵdaıyna jáne memlekettik toponomıkaǵa sáıkes kelmeıdi - Ó.Ózbekov
ASTANA. 11 mamyr. QazAqparat /Marlan Jıembaı/ - Búgingi kúni kartalardyń 80 paıyzǵa jýyǵy jergilikti jerdiń qazirgi jaǵdaıyna jáne memlekettik toponomıkaǵa sáıkes kelmeıdi. Bul týraly búgin Jer resýrstaryn basqarý agenttiginiń tóraǵasy Ómirzaq Ózbekov QR Parlamenti Senatynyń depýtattarymen kezdesý barysynda aıtty.
«Búgingi tańda kartalardyń 80 paıyzǵa jýyǵy jergilikti jerdiń qazirgi jaǵdaıyna jáne memlekettik toponomıkaǵa sáıkes kelmeıdi dep aıtýǵa bolady. Memlekettik topografııalyq kartalardyń jańartylýyna qaraǵanda - jyldam eskiredi. Al bul jaǵdaı ekonomıkaǵa aıtarlyqtaı zııan keltirýi, keıde orny tolmas shyǵyndarǵa alyp kelýi múmkin», - dedi ol.
Onyń atap ótýinshe, ótken jyly Agenttiktiń geodezııalyq, qazynalyq kásiporyndary Astana qalasynyń úlken mashtabtaǵy kartasyn daıyndaǵan. Almaty men Atyraý qalalarynyń memlekettik topografııalyq kartalarynyń masshtabty qataryn jańartý úshin aerofototúsirim jumystary júrgizilgen.
Sonymen qatar el ekonomıkasyna qajet ártúri masshtabtaǵy 1750 betten astam memlekettik topografııalyq kartalary qaıtadan jańartylyp, memlekettik tilde shyǵaryldy. 1153 sandyq topografııalyq kartalar jasalyndy.
