Búgingi kúni 680 mln. teńgege 25 myńnan asa qoı satyp alyndy - «QazAgro» UBH»

ASTANA. QazAqparat - 159 aýyl sharýashylyǵy taýar óndirýshileri jalpy somasy 680 mln. teńgeniń nesıesine ıe boldy, dep habarlady «QazAgro» UBH» baspasóz qyzmetinen.

«Agrobıznes - 2020» baǵdarlamasyn oryndaý maqsatynda «Agrarlyq nesıe korporatsııasy» AQ qoı ósirýdi qoldaý úshin «Altyn asyq» baǵdarlamasyn iske asyra bastady. Nesıe saýlyq pen asyl tuqymdy qoshqar satyp alý úshin jyldyq 14% syıaqymen beriledi.

Qoı ósirýdi nesıeleý jobasy aıasynda korporatsııa jalpy quny 800 mln. teńgeden asatyn 193 jobany maquldady. Onda Aqtóbe, Almaty, Jambyl, Qaraǵandy, Batys Qazaqstan, Shyǵys Qazaqstan jáne Ońtústik Qazaqstan oblystaryndaǵy sharýa qojalyqtarynan 31 myń bas qoı alý úshin ótinish berilgen. Sonyń ishinde, 159 aýyl sharýashylyǵy taýar óndirýshileri jalpy somasy 680 mln. teńgege 25 myńnan asa qoı satyp aldy, delingen habarlamada.