Búgingi kúnge deıin 7-shi qysqy Azııa oıyndaryna qatysatyndyǵyn 27 eldiń sportshylary qýattady

Qatysýshylardyń sany kúnde ózgerip otyr. Aldyn ala boljamǵa sáıkes, Qazaqstandaǵy Aq Azıadaǵa Azııa qurylyǵyna enetin 45 eldiń 31-i qatysady dep kútilýde. Ótinimderdi berý ýaqyty aıaqtalǵan joq, al qatysýǵa nıet bildirýshi memleketterdiń sany kúnnen kúnge arta túsýde. Mysalǵa, Uıymdastyrý komıteti taratqan málimetke sáıkes, 7 jeltoqsanǵa deıin Oıyndarǵa qatysatyndyǵyn 24 eldiń 1130 sportshysy men 543 resmı delegatsııasy qýattaǵan bolatyn. Al búgin ol san jańadan tirkelgen Pákistan, Aýǵanstan jáne Sıngapýr memleketterimen 27-ge deıin ulǵaıdy.

Qazaqstan Oıyndarǵa qatysatyn sportshylardyń sany jaǵynan alda tur. El namysyn barlyǵy 167 sportshy qorǵamaq. Odan keıingi oryndarda Ońtústik Koreıa (140 sportshy) men Mońǵolııanyń (137) ulttyq quramalary ornalasqan.

2011 jylǵy 30 qańtar men 6 aqpan aralyǵynda ótetin Aq Azıadada sporttyń 11 túri boıynsha (konkımen júgirý, shaıbaly hokkeı (erler jáne áıelder arasynda), mánerlep syrǵanaý, tramplınnen shańǵymen sekirý, frıstaıl, dopty hokkeı boıynsha jarystar (bendı), taý shańǵysy sporty, shańǵy jarysy, bıatlon, shańǵymen qysqy sporttyq baǵdarlaý jáne short-trek) barlyǵy 69 jıyntyq medal sarapqa salynady.

Aıta keteıik, І jáne ІІ qysqy Azııa oıyndaryn ótkizgen Japonııa óz alańynda sáıkesinshe 7 jáne 10 eldi, Qytaı (ІІІ) - 16, Koreıa (IV) - 21, Japonııa (V) - 17, Qytaı (VI) - 45 eldi qabyldady. Azıada tarıhynda otandyq sportshylarymyz ár jyldary barlyǵy 37 - altyn, 30 - kúmis jáne 27 - qola nagrada jeńip aldy.

Eske salaıyq, 2011 jyldyń 30 qańtar kúni keshki saǵat 18.00-de, Astanadaǵy «Astana-Arena» stadıonynda 7-shi qysqy Azııa oıyndary saltanatty túrde ashylyp, Oıyndardyń basty alaýy jaǵylady. Bir jetige sozylatyn baıraqty básekeden keıin, 6 aqpan kúni Oıyndar Almatydaǵy Balýan Sholaq atyndaǵy Sport saraıynda resmı túrde jabylady. 17.00-de bastalatyn saltanatty bul rásim eki saǵatqa sozylady dep kútilýde.