Búgingi qıyndyqtardy eńserý úshin bizge bilimdi de bilikti depýtattar kerek - B. Nurmuhamedov
ASTANA. QazAqparat - Búgingi qıyndyqtardy eńserý úshin bizge bilimdi de bilikti depýtattar kerek. Elbasy N.Nazarbaevtyń QR Parlamenti Májilisi depýtattarynyń kezekten tys saılaýyn taǵaıyndaýǵa baılanysty halyqqa úndeýine oraı pikir bildirgen Ulttyq zertteýler ınstıtýtynyń dırektory Bórihan Nurmuhamedov osylaı dedi.
«Memleket basshysy Nursultan Ábishuly Nazarbaev óziniń Jarǵysymen burynǵy Májilis quramyn tarqatyp, jańa Májilis depýtattaryn saılaýyn ótkizýdi bekitti. Meniń oıymsha, bul jerde kóptegen máselege kóńil aýdarýǵa bolady. Bizdiń saılaý týraly Zańǵa sáıkes, muqııat sheshim qabyldandy. Elbasy eń aldymen bul máseleni eki spıkermen, odan keıin Konstıtýtsııalyq keńestiń tóraǵasymen talqylap, óziniń quzyry boıynsha osyndaı sheshim qabyldady. Bul sheshim óte mańyzdy, óte qajet dep oılaımyn. Sebebi qazirgi jaǵdaı Prezıdentimiz aıtqandaı ońaı emes. Áleýmettik-ekonomıkalyq jaǵdaıǵa, syrtqy saıasatqa, aımaqtaǵy qaýipsizdikke baılanysty kóptegen másele bar. Osynyń bárin sheshý úshin bizge bilimdi de bilikti jańa tolqyn, jańa Májilis depýtattary kerek»,- dedi B.Nurmuhamedov.
