Búgingi qazaqtyń ınterneti tek namys jolymen jasalyp qana qoımaı, naqty bızneske aınalýy kerek - A.Sarym
ALMATY. 20 shilde. QazAqparat /Ádilet Musahaev/ - Búgingi kúni Qaznet degen ne degen suraqqa jaýap izdeýimiz kerek. Qaznet pen Kaznettiń aıyrmashylyǵynyń bar ekeni anyq. Meniń túsinigimde Qaznet degen bolashaqta qazaq tilinde jáne latyn álipbıinde shyǵatyn ınternettik qyzmet túri deýge bolady.
Bul jaıynda búgin «Abaı-ınform» qoǵamdyq qorynyń vıtse-prezıdenti Aıdos Sarym Almatyda ótip jatqan «Internettegi qazaq tilin damytý joldary» taqyrybyndaǵy dóńgelek ústel barysynda málim etti.
Onyń aıtýynsha, biz ázirge ótpeli kezeńdemiz, postkeńestik, postreseılik. Qaı turǵydan aıtsaq ta sol qalyptan shyǵyp jańa qalypqa sımaı bara jatqan bir keńistikpiz. "Orystyń ınternetshileri aıtady, qazirgi ınternet Reseıdiń bir bóligi nemese soǵan elikteýshilik dep, men sol pikirlermen tolyqtaı qosylamyn. Shyn máninde ózimen-ózi ómir súre alatyn úlken bir keńistik nemese qaýymdastyq paıda bolǵan joq bizde", -deıdi A.Sarym.
"Sońǵy kezde elimizdiń aqparat mınıstrligi qazaq tildi saıttardy damytýǵa kóp kóńil bólip, qarajat bólip jatqandyǵyn moıyndaýymyz kerek. Ótken jyldan bastap memlekettik tildegi saıttardy ashýǵa tapsyrys berip jatyr, ol qýantarlyq jaǵdaı. Menimshe memleket úlken ınfraqurylymdyq, aýdarma saıttardyń negizin jasaıtyn, erteń oǵan negizdelip basqa saıttar ashylatyn jobalardy qarjylandyrsa jeke saıttardy jasaý, jeke jobalardy bir taldap jasaý shaǵyn jáne orta bıznestiń nemese basqa da jastardyń tirshiligine aınalar edi. ıAǵnı, búgingi qazaqtyń ınterneti tek namys jolymen jasalyp qana qoımaı, naqty bızneske aınalýy kerek", -deıdi A.Sarym.
