«Búgingi qazaqstandyq terrorıst kim?» - respýblıkalyq basylymdarǵa sholý

ASTANA. 23 qarasha. QazAqparat - Qazaq aqparat agenttigi respýblıkalyq basylymdarda 23 qarasha, juma kúni shyqqan ózekti materıaldarǵa sholýdy usynady.

**

Keshe EXPO Halyqaralyq kórmeler bıýrosy Bas Assambleıasynyń Parıjde ótken 152-sessııasynda EHRO-2017 halyqaralyq kórmesi  Astana qalasynda ótetin bolyp sheshildi. HKB-ǵa múshe 161 memlekettiń jasyryn daýys berýi nátıjesinde Astanany 103 el qoldap shyqty. Osy qýanyshty habar «Egemen Qazaqstan» gazetinde «Elbasynyń taǵy bir eren jeńisi! Qazaqstannyń kezekti bıik belesi!» degen taqyryptaǵy maqalaǵa arqaý bolǵan. Basylymnyń atap ótýinshe, Qazaqstan Prezıdenti Nursul­tan Nazarbaev EKSPO-2017 halyqaralyq mamandandyrylǵan kór­mesin ótkizý quqyǵyna daýys berýdiń qorytyndysy boıynsha qazaqstandyqtarǵa sóz arnady. Memleket basshysy óz sózinde EKSPO-2017 kórmesin Astanada ótkizý týraly sheshim tarıhı oqıǵa bolyp sanalatynyn atap kór­sete kele: «EKSPO kórmelerinde álem­niń barlyq memleketi ózderiniń eń úzdik tehnologııalyq, ǵylymı, má­denı jetistikterin kórsetedi. Olar jahandyq damýdyń jańa kún tár­tibin qalyptastyrady. Mun­daı is-sharaǵa barlyq qur­lyq­tyń ondaǵan elinen mıllıon­daǵan adam qa­ty­sa­dy. Bási bıik básekede Astananyń jeńip shy­ǵýy bekerden beker emes. Birinshiden, elordamyzdyń álemdik deń­geı­degi sharany laıyqty ótkize alatyn ortalyq retinde qalyp­tas­qany barshaǵa belgili boldy. Ekinshiden,  tańdaýdyń Qazaqstan paı­da­syna sheshilýi memle­keti­miz­diń tabystary joǵary baǵalan­ǵa­nyn bildiredi jáne Eýrazııa óńi­rinde de onyń damý keleshegi kemel ekenin aıǵaqtaı túsedi. Úshin­shiden, bizdiń «Bolashaqtyń ener­gııasy» atty ózek­ti taqyrypty usynýymyz je­ńis­ke jetýimizge kómektesti. Eń bas­tysy, Asta­na­ny tańdaýy - Qa­zaq­stannyń barsha halqynyń kúsh-jigeriniń naq­ty jemisi», - dedi.

 

Ústimizdegi jylǵy 22-29 qarasha aralyǵynda Astanada Qazaqstannyń bokstan erler arasyndaǵy kezekti birinshiligi ótedi. Bul chempıonattyń ereksheligi, onda kóp jyldardan beri alǵash ret baıaǵy bir kezderdegideı bylǵary qolǵap sheberleri sharshy alańǵa qorǵanys shlemderinsiz shyǵady. Munda, sondaı-aq, upaı esepteýdiń jańa tásili qoldanylady. Osy dodaǵa oraı «Egemen Qazaqstan» gazeti dańqty boksshy, Máskeý Olım­pıa­dasynyń kúmis júldegeri, AIBA atqarý komıtetiniń múshesi, Qazaqstan boks federatsııasynyń vıtse-prezıden­­­ti Serik Qonaqbaevty áńgimege tartqan. Basylym tilshisiniń barlyq saýalyna tuşymdy jaýap bergen ol: «Biz birinshilik barysynda ár­túrli qolaısyz jaıttardyń oryn almaýy úshin barymyzdy salamyz. Álbette, dodanyń jańa erejege saı ótýi tóreshiler úshin de, boksshylar men olardyń bapkerleri úshin de aıta qalarlyqtaı qıyndyqtar men kúrdeli sátter ákelýi múmkin. Degenmen, qazaqstandyq tóreshiler korpýsynyń osy kezge deıin biraz synnan ótken tájirıbeli mamandardan quralatynyn eske ala otyryp, olardyń biliktilikteri eshbir syr bermesine sengim keledi»,-  deıdi. Suhbat «Áýesqoı boksty úlken ózgerister kútip tur» degen taqyryppen berilgen.

***

«Aıqyn» gazetiniń jazýynsha, Parlament Májilisinde ótken halyqaralyq konferentsııada elimizdiń Bas prokýratýrasy alǵash ret qazaqstandyq terrorıstiń jıyntyq beınesin sýrettep berdi. Osy jıynda Qarjy mınıstrliginiń quramyndaǵy Qarjylyq monıtorıng komıtetiniń 200-deı uıym men tulǵany terrorızmdi qarjylandyrýǵa qatystylyqqa teksergendigi jarııalandy. Taǵy bir jańalyq: tek bıylǵy jyly ǵana arnaıy qyzmetter 24 terraktiniń aldyn alypty! «Búgingi qazaqstandyq terrorıst kim? Bul suraqqa ózimizdiń sta­tıstıkaǵa júgine otyryp, jaýap bergim keledi. Sottalǵan terrorshylardyń 60%-daıy - 29 jasqa deıingi adamdar. Basqasha aıtqanda, terrorıster - jastardyń ókilderi. Olardyń barlyǵy derlik, naq­tyraq aıtqanda, 95%-y - jumyssyzdar. Osylaısha Qazaqstandaǵy terrorshy­nyń jıyntyq portreti salynady: bul - ómir­de óz ornyn tabýǵa umtylǵan, kóbinese jumyssyz, onyń ústine bilimi de, alda qan­daı da bir perspektıvalary da joq jas adamdar», - dedi alqaly jıynda sóz sóılegen Bas prokýrordyń birinshi orynbasary Iogan Merkel. Maqala taqyryby - «Búgingi qazaqstandyq terrorıst kim?».

 

2012 jyldyń 8 sáýirinde Memleket basshysy «Qazaqstan Res­pýblıkasy quqyq qorǵaý organ­darynyń qyzmetkerlerin kezekten tys attes­tattaýdan ótkizý týraly» arnaıy Jar­lyqqa qol qoıǵany belgili. Osylaısha, Elbasynyń tikeleı tapsyrmasy ne­gizinde elimizdiń tarıhynda alǵash ret quqyq qorǵaý júıesiniń jańa kadrlyq áleýetin qalyptastyrý baǵytynda keń de aýqymdy is-sharalar bastaý alǵan edi. Mine osy rette kezekten tys attestattaý tıimdiligin kórsetti me degen  saýaldyń týyndaıtyny zańdylyq. Osy jáne basqa da saýaldarǵa «Aıqyn» gazetinde QR Іshki ister mınıstriniń orynbasary Amantaı Kúreńbekov jan-jaqty jaýap bergen. «Ras, elimizde kúnine qanshama qyl­mys tirkeledi, qansha adamnyń quqy taptalyp jatyr? Osy zańsyzdyqtyń barlyǵy jabýly kúıinde qalmaıdy, der kezinde ashylyp, qanypezerler tıisti jazaǵa tartylýda. Bul tusta po­lıtsııa qyzmetkeriniń arqalaǵan júgi - aýyr, mindeti - salmaqty. Biraq nege ekeni beımálim, kóbine-kóp halyq olardyń shalys basyp, kem ketken tus­taryn ǵana kórsetýdi ádetke aı­naldyryp alǵan», - deıdi general-maıor «Attestattaý - úlken sabaq qatal ári ádil syn» degen taqyryppen berilgen suhbaty barysynda.

***

«Lıter» gazetiniń búgingi sanynda «V poıskah doverııa» degen taqyryppen jarııalanǵan maqalada otandyq buqaralyq aqparat quraldary men kúsh-qýat qurylymdary arasynda elimizdiń Qaýipsizdik keńesiniń bastamasymen ótken jıyn jaıynda baıandalady. Qaýipsizdik keńesiniń basshysy Marat Tajınniń paıymynsha, kúsh-qýat qurylymdary men jýrnalıster arasyndaǵy baılanysty jańa deńgeıge kóterý qajet. Bul rette eki taraptan da zor kásibılik talap etiledi.

Basylymnyń alǵa tartqan derekterine qaraǵanda, aǵymdaǵy jyldyń 9 aıynda  «Ádil sóz» qorynyń derekterine sáıkes redaktsııalar men BAQ ókilderine 15 ret shabýyl jasalǵan.