Búgingi Qazaqstan turaqtalǵan memleket, onyń halyqaralyq bedeli ósip keledi - Vatslav Gavel
STANA. Qyrkúıektiń 4-i. QazAqparat - Pragada QR Elshisi Anarbek Qarashev Cheh respýblıkasynyń tuńǵysh prezıdenti, tanymal saıasatker Vatslav Gavelmen kezdesti,
dep habarlaıdy QR SІM baspasóz qyzmeti.
Áńgime barysynda qazaqstandyq dıplomat táýelsizdik jyldaryndaǵy bizdiń elimizdiń damý úderisi týraly baıandady, naqtyraq aıtsaq, ekonomıkalyq jáne saıası reformalar áńgime ózegine aınaldy. A.Qarashev QR Prezıdentiniń «Jańa onjyldyq - jańa ekonomıkalyq órleý - Qazaqstannyń jańa múmkindikteri» Joldaýynyń negizgi basymdyqtarymen tanystyryp, EQYU tóraǵalyǵy retindegi basymdyqtary týraly da sóz qozǵady.
Óz kezeginde Vatslav Gavel «Chehııa men Qazaqstandy ótkendegi ortaq totalıtarlyq tarıh baılanystyryp otyrǵanyn aıta kele, Qazaqstan qazirgi kúni turaqtalǵan memleket bolǵanyn, onyń halyqaralyq bedeli ósip keletinin» atap ótti.
