Búgingi Astana - Túrkistan reısi 15 saǵatqa keshigip ushady
ASTANA. QazAqparat - FlyArystan 29 shilde túngi 00:55-te ushýǵa tıis KC7362 Túrkistan - Astana reısi óndiristik qajettilikke baılanysty keshikkenin eske saldy, dep habarlaıdy QazAqparat.
Reıs Túrkistan qalasynyń jergilikti ýaqyty boıynsha 29 shilde saǵat 16:30-da ushady dep josparlanyp otyr.
«Jolaýshylardan túsinistikpen qaraýdy suraımyz jáne ushý qaýipsizdigi bizdiń basty prıorıtetimiz ekenin eske salamyz» dep túsindirdi kompanııadan.
Reıs jolaýshylaryna mynadaı kómek bar:
- Eki saǵattan artyq keshikken kezde:
jolaýshylar alkogolsiz sýsyn, sondaı-aq bes mınýttan aspaıtyn eki telefon qońyraýyn nemese eki elektrondyq poshta habarlamasyn suraı alady.
- Tórt saǵattan artyq keshikkende ystyq tamaq usynylady.
- Bes saǵattan artyq keshikkende bir ret tegin áýebılettiń ýaqytyn ózgertý múmkindigi usynylady.
- Bes saǵattan artyq keshikkende qaıta brondaý múmkin bolmasa, jolaýshylar bılet qunyn tolyq qaıtaryp ala alady.
- Kúndizgi ýaqytta 8 saǵattan artyq jáne túnde 6 saǵattan artyq kidiris bolsa, jolaýshylarǵa qonystanýǵa, sondaı-aq qonystaný jerine deıin jáne keri qaraı transfer qarastyrylady.
Atalǵan másele boıynsha jolaýshylardan FlyArystan ókilderine habarlasý kerek.
