Búgingi áskerı sherý Qazaqstan armııasynyń kúsh-qýatyn pash etti - A.Fazýlova

ASTANA. QazAqparat - Búgingi áskerı sherý Qazaqstan armııasynyń kúsh-qýatyn pash etti. Bul pikirdi Astanadaǵy «Qazaq Eli» alańynda ótken Otan qorǵaýshy kúni men Uly Otan soǵysyndaǵy Jeńistiń 70 jyldyǵyna arnalǵan áskerı sherýden keıin soǵys ardageri Aleksandra Fazýlova bildirdi.

«Qazaqstandyq áskerı qyzmetshilerge, Otan qorǵaýshylarǵa zor densaýlyq, jeke ómirlerinde baqyt jáne qyzmetterinde zor tabys tileımin. Sonymen qatar qazaqstandyqtar ár ýaqytta da beıbit aspan astynda ómir súrsin, baı-baqýatty bolsyn. Búgingi ótken áskerı sherý Qazaqstannyń armııasy qandaı qýatty ekendigin pash etti. Olar bizdiń Otanymyzdy qorǵaýshylar», - dedi soǵys ardageri.

20 jasynda soǵystyń aşy dámin tatqan ol kezekti urystardyń birinde aýyr jaraqat alǵannan keıin Qaraǵandydaǵy áskerı gospıtalde emdelgen. Sodan keıin Qazaqstanda turaqtap qalǵan. Soǵysta kórsetken erligi úshin birneshe medalmen marapattalǵan.