Búgingi Abaı burynǵy Abaılardan áldeqaıda jas - Esmuqan Obaev
ALMATY. Maýsymnyń 28-i. QazAqparat /Erlik Erjanuly/ - Keshe Almatydaǵy Qazaqtyń Muhtar Áýezov atyndaǵy akademııalyq drama teatry 2009-2010 jylǵy teatr maýsymyn «Abaı» tragedııasynyń premerasymen aıaqtady.
«Bul joly biz Abaıdy uly oıshyl, kemeńger, aqyn retinde ǵana tanymaımyz. Adam janynyń qorǵaýshysy, táýelsizdik tynysyn elge sebýshi, kópshilik qara halyqtyń kóshbasshysy, muńyn muńdap, joǵyn joqtaıtyn joqtaýshy, jáne sazger retinde kóremiz. Búgingi Abaılar burynǵy Abaılardan áldeqaıda jas», deıdi tragedııanyń qoıýshy-rejısseri QR halyq ártisi Esmuqan Obaev. Onda E. Bilálov (Abaı), D. Júsip ( Áıgerim), A. Bektemir (Orazbaı), D. Aqmolda ( Kerim), E, Daıyrov (Aıdar), N. Qarabalına (Ajar) sııaqty óner sheberleri oınady. Qoıylym Abaıdyń «Men óz ómirimde oǵan jetpedim, kórmespin ol kúndi. Sol bolashaq úshin bir shópshekteı, bir ǵana kirpishteı bolsa da kesek qalap ketsem armanym joq. Sálem deńder solarǵa, sálem deńder urpaǵym» degen sózderimen aıaqtalady.
Muhtar Áýezov pen Leonıd Sobolevtiń bul tragedııasy alǵash ret 1940 jyly qazannyń 30-y kúni Asqar Toqpanov rejısserligimen qoıylǵan bolatyn. Onda basty keıipkerlerdi Q. Qýanyshbaev (Abaı), Sh. Aımanov (Kerim), Q.Ádilshinov (Jırenshe), O. Jumaǵulov (Orazbaı), R, Qoıshybaeva (Zeınep), J. Jalmuhanbetova (Ajar), M, Syzdyqov (Aıdar) somdady. Ekinshi ret 1962 jyly Ázirbaıjan Mámbetovtiń rejısserligimen 1962 jyly mamyrdyń 29-ynda qoıyldy. Onda Abaıdy Y. Noǵaıbaev pen M. Súrtibaev oryndady. Á. Mámbetov keıin ony 2002 jyly qaıta sahnalaǵan kezde Abaıdy B. Ábdilmanov somdap shyqty.
