Búginge deıin OSK-ge kezekten tys Prezıdenttik saılaýǵa qatysýǵa nıet bildirgen 6 adam ótinish berdi

Aıta keteıik, Prezıdenttikke kandıdattardy usyný 2011 jylǵy 5 aqpanda bastaldy jáne 20 aqpanǵa deıin jalǵasatyn bolady. Búginge deıin óz kandıdatýralaryn ózin-ózi usyný jolymen bes adam usyndy. Olar: «Kenesary han» qoǵamdyq qorynyń prezıdenti Ýálıhan Qaısarov, zańger Sálim Óten, ekolog ǵalym Musaǵalı Dýambekov, jumyssyz Qanat Esjanov jáne «Attan Qazaqstan» qozǵalysynyń jetekshisi Amantaı qajy Asylbek. Al 11 aqpanda Astanada ótken «Nur Otan» HDP-nyń HIII sezinde partııa qazirgi Memleket basshysy Nursultan Nazarbaevty QR Prezıdenttigine kandıdat retinde usyndy. Atalmysh kandıdattardyń ishinde Musaǵalı Dýambekov, Nursultan Nazarbaev jáne Sálim Óten Prezıdenttikke kandıdattardyń memlekettik tildi erkin meńgergendigin anyqtaıtyn lıngvıstıkalyq komıssııanyń synynan súrinbeı ótti. Sosyn Ortalyq saılaý komıssııasy Qazaqstan Respýblıkasynyń Prezıdenttigine kandıdat atalmysh azamattardyń Konstıtýtsııa men «Qazaqstan Respýblıkasyndaǵy saılaý týraly» Konstıtýtsııalyq zań qoıatyn talaptarǵa sáıkestigin belgileý jóninde qaýlylar qabyldady. Osydan keıin atalmysh kandıdattarǵa ózderin qoldaǵan saılaýshylardyń qoldaryn jınaý úshin qol qoıý paraqtary berildi.

OSK qabyldaǵan qaýlyǵa sáıkes, QR Prezıdenttigine kandıdatty qoldaǵan rastalǵan qoldardyń sany 91 010 qoldy quraıdy. Qol jınaýdy kandıdattardyń senim bildirilgen adamdary júrgizedi. Qol jınaý toptarynyń sany men ondaǵy adamdar sany shektelmeıdi. Qol qoıý paraqtarynyń búlinýi nemese joǵalyp qalýy múmkindigin eskere otyryp, OSK árbir kandıdatqa 100 myń qol jınaýǵa jetetindeı etip, 5 myń dana qol qoıý paraqtaryn beredi. Qajet bolǵan jaǵdaıda kandıdattarǵa qosymsha qol qoıý paraqtary beriletin bolady.
Toltyrylǵan qol qoıý paraqtary aýmaqtyq saılaý komıssııalaryna tapsyrylady, olar bes kún ishinde qoldardyń rastyǵyn pasport qyzmeti qyzmetkerleriniń qatysýymen tekseredi, tıisti hattama jasaıdy jáne ony Ortalyq saılaý komıssııasyna jiberedi. Qoldardyń rastyǵyn tekserý Prezıdenttikke kandıdatqa qajet sandaǵy qoldardy rastaǵanǵa deıin júrgiziledi. ıAǵnı, azamattardyń 91 010 qoly rastalǵannan keıin, qalǵan qoldardyń rastyǵy tekserilmeıdi.

Al Prezıdenttikten úmitkerlerdiń biri Ýálıhan Qaısarov lıngvıstıkalyq komıssııanyń synynan óte almaı, saıası naýqannan shettetildi. Alaıda ol OSK-ge qujattaryn qaıtadan tapsyryp, komıssııanyń synynan ótýge taǵy bir márte talpynǵan bolatyn. Alaıda 2011 jylǵy 12 aqpan kúni Ortalyq saılaý komıssııasy Ý.Á.Qaısarovtyń ózin-ózi usyný jolymen Prezıdenttikke kandıdat retinde daýysqa túsý nıeti týraly 2011 jylǵy 9 aqpandaǵy ótinishin qaraýsyz qaldyrdy. Basty sebep - lıngvıstıkalyq komıssııanyń 2011 jylǵy 8 aqpandaǵy otyrysynda (№2 hattama) Ý.Á.Qaısarovtyń memlekettik tildi erkin meńgermegen dep belgilengendigi, ıaǵnı Ý.Á.Qaısarovtyń Konstıýtsııa men «Qazaqstan Respýblıkasyndaǵy saılaý týraly Konstıtýtsııalyq zań qoıatyn talaptardyń birine, naqty aıtqanda, memlekettik tildi erkin meńgerý týraly talapqa sáıkes kelmeıtini anyqtalǵandyǵynda.

Al Amantaı qajy Asylbek aldyn ala eskertilgenine qaramastan, 12 aqpanǵa belgilengen lıngvıstıkalyq komıssııanyń otyrysyna kelmeı qaldy. Alaıda bul atalmysh kandıdattyń saılaý naýqanynan tys qalǵandyǵyn bildirmeıdi. Sebebi onyń emtıhan tapsyrýǵa áli ýaqyty bar. Ázirge Amantaı qajy Asylbektiń emtıhandy qaı kúni tapsyratyndyǵy anyqtalǵan joq.

Prezıdenttikkke kandıdattardy tirkeý joǵary memlekettik laýazymǵa úmitkerler barlyq qajetti qujattardy usynǵannan bastalady jáne 2 naýryzda aıaqtalady. Saılaýaldy úgit-nasıhat jumystary 3 naýryzda bastalady jáne 1 sáýirde aıaqtalady.