Búginge deıin Qarashyǵanaq jobasynyń 10 paıyzy ǵana ıgerilgen - Munaı jáne gaz mınıstri
ASTANA. 5 naýryz. QazAqparat - Búgingi kúnge deıin Qarashyǵanaq jobasynan alynǵan shıkizat kólemi ken ornynyń jalpy eseptelgen geologııalyq qorynyń shamamen 10 paıyzyn ǵana quraıdy.
Bul týraly búgin Parlament Májilisiniń Úkimet saǵatynda Munaı jáne gaz mınıstri Saýat Myńbaev málim etti.
Mınıstrdiń aıtýynsha, Úkimet sońǵy 2,5 jylda Qarashyǵanaq konsortsıýmymen birqatar daýly máseleler boıynsha kelissózder júrgizdi. 2011 jyldyń 14 jeltoqsanynda Qazaqstanmen merdiger kompanııalar arasynda daýly máselelerdi retteý boıynsha kelisim jasaldy. Kelisimge sáıkes daýly máselelerdi retteý esebinen merdiger kompanııa Qazaqstanǵa jobadaǵy úlestiń 5 paıyzyn beredi. Budan bólek taǵy 5 paıyzyn 1 mlrd. dollarǵa satatyn bolady.
«Qazirgi sátte taraptar negizinen kelisimniń keıinge qaldyrylǵan birqatar sharttaryn iske asyrýmen shuǵyldanýda. Bul jumys 30 maýsymǵa deıin aıaqtalýy tıis. Taraptar keıinge qaldyrǵan sharttardyń barlyǵyn ortaq kelisimmen oryndaǵan jaǵdaıda retteý týraly kelisim kúshine enetin bolady», - dedi S. Myńbaev.
