Búginge deıin 597 adamǵa raqymshylyq týraly zań qoldanylyp, 125 adam bostandyqqa shyqty - Joǵarǵy Sot
ASTANA. 13 aqpan. QazAqparat - Táýelsizdiktiń 20 jyldyǵyna oraı qabyldanǵan raqymshylyq týraly zań kúshine engennen beri, ıaǵnı 20 qańtardan beri ol 597 adamǵa qatysty qoldanyldy.
Bul týraly búgin QR Joǵarǵy Sotynda «QR Táýelsizdiginiń 20 jyldyǵyna baılanysty raqymshylyq jasaý týraly» zańyn qoldaný jóninde ótken baspasóz máslıhatynda QR Joǵarǵy Sotynyń qylmystyq ister jónindegi qadaǵalaýshy sot alqasynyń tóraǵasy Aqyltaı Qasymov málim etti.
«Zań kúshine engennen bergi merzim aralyǵynda elimizdiń sottary túzeý mekemelerin jáne qylmystyq atqarý júıesi komıtetteriniń aımaqtyq bólimshelerinen kelip túsken materıaldardy qarastyryp jatyr. Nátıjesinde jazasyn óteýge tıisti 125 adam bostandyqqa shyqty. Budan ózge, sottar men birinshi satyly sottarda, appelıatsııalyq ınstantsııada sot óndirisinde jatqan 479 adamǵa qatysty qylmystyq ister toqtatyldy», - dedi Aqyltaı Qasymov.
Bul rette Joǵarǵy sot raqymshylyq jasaý sharasy aıaqtalǵanǵa deıin qosymsha aqparattar berip turýdy kózdep otyr.
