Búginge deıin 204 qazaqstandyqqa Brazılııaǵa barýǵa ruqsatnama berildi

Brazılııa Federatıvtik Respýblıkasynyń Astana qalasynda ornalasqan konsýldyq bólimine ruqsatnama alý boıynsha kúni búginge deıin 247 ótinim kelip túsken. Bul týraly búgin Brazılııanyń Qazaqstandaǵy elshiliginiń konsýldyq bóliminen habarlady. Ótinim bergenderdiń biri - Túrkimenstan azamaty, al 19-y - Qyrǵyzstan azamaty. Qalǵandary - qazaqstandyqtar. «Bul sońǵy san emes», - deıdi konsýldyq bólimdegiler. - «Brazılııaǵa barǵysy keletinder sany kún sanap artyp keledi». Týrıster fýtboldan álem birinshiligine barý úshin ruqsatnama alý boıynsha ótinimderin ústimizdegi jyldyń sáýir aıynda bastaǵan. Elshilik sol sáýir aıynan kúni búginge deıin barlyǵy 204 ruqsatnama berip úlgergen. Olardyń 72-si - matchtardyń bıletteriniń sertıfıkattary boıynsha alynǵan. ıAǵnı mundaı jaǵdaıda Konsýldyq alym tólenbeıdi. Qazir Brazılııaǵa barǵysy keletin týrısterdiń kóptigine baılanysty ruqsatnama alý ýaqyty qysqartyldy. ıAǵnı ony 2-3 jumys kúni ishinde alýǵa bolady. Al shuǵyl jaǵdaıda ruqsatnama bir kúnniń ishinde beriledi. Ol úshin tıisti qujattardyń barlyǵy bolýy shart. Sonymen, týrıstik ruqsatnama alǵysy keletinder myna tómendegideı qujattardy tapsyrýlary tıis: - Tólqujattyń túpnusqasy (tólqujat merziminiń aıaqtalýǵa deıingi ýaqyty 6 aıdan kem bolmaýy tıis). Sonymen qatar tólqujattyń kem degende eki taza paraǵy bolýy shart. - Aq tústi kórinistiń aıasynda túsirilgen fotosýret. Kólemi 3,5 h 4,5 sm, bolýy kerek. - Aǵylshyn tilinde jazylǵan jáne qol qoıylǵan ruqsatnamalyq saýalnamanyń jiberilgenin rastaý. - Barý jáne kelý bıletiniń brony (Áýe jelisinde qyzmet isteıtinder úshin, qosymsha qyzmettik kýáliktiń fotokóshirmesi). Elshilik ruqsatnamany berýdi maquldaǵan soń, satyp alynǵan bıletti kórsetýdi talap etýge quqyly (túpnusqasyn nemese elektrondy bıletti). - Portýgal nemese aǵylshyn tilinde qonaq úı bronynynyń nemese shaqyrtý hatynyń kóshiremesi (kompanııa bolsa, fırmalyq blankpen jazylǵan). Onda shaqyrtýshynyń meken-jaıy, baılanys telefony. Shaqyrýdaǵy maqsaty jáne shaqyrǵan qonaǵy úshin jaýap beretindigi naqty kórsetilýi tıis. - Tólem qabilettiligi týraly anyqtama (banktiń nemese jumys ornynyń anyqtamasy. Janynda aǵylshyn nemese portýgal tiline aýdarylǵan kóshirmesi bolýy kerek). - Konsýldyq alymdy tólegeni týraly túbirtek (4000 teńge). Qandaı jaǵdaı bolmasyn, konsýldyq alym keri qaıtarylmaıdy. Eger fýtboldan álem birinshiliginiń matchtarynyń bıletteri nemese bıletterdiń sertıfıkattary usynylǵan jaǵdaıda konsýldyq alym tólenbeıdi. - 18 jasqa deıingi azamattar úshin notarıýs bekitken kóshirmesimen qosa týý týraly kýáliktiń kóshirmesi. - Brazılııaǵa ata-anasynsyz nemese qamqorshysynsyz bara jatqan 18 jasqa deıingi tulǵalar ózderimen birge barmaıtyn ata-anasy nemese qamqorshysynyń kelisimi týraly notarıýs arqyly bekitilgen qujat. - Sporttyq baıqaýlar nemese mádenı sharalarǵa qatysýshylar úshin demeýshiler/uıymdastyrýshylar tarapynan atalmysh shara jáne sapar jónindegi hattyń kóshirmesi. Brazılııa elshiliginiń Konsýldyq bólimi qajet bolǵan jaǵdaıda qosymsha qujattar talap etýge quqyly. Úsh aılyqtan alty jasqa deıingi balalar úshin polıomıelıtke qarsy egý jasalǵandyǵy týraly jergilikti emhananyń qujaty nemese terapevtiń hatymen rastalǵan anyqtama mindetti túrde qajet. Eger Brazılııaǵa barýshylar Akrı, Amapa, Amazonas, Goıas, Maranıaý, Matý Grossý, Matý Grossý dý Sýl, Para, Rondonııa, Roraıma shtattaryn, sondaı-aq Federaldy okrýgty aralaıtyn bolsa sary bezgekke qarsy egý jasaýlary tıis. Brazılııaǵa barýǵa arnalǵan ruqsatnama berilgen kúninen bastap 90 kúnge deıin zańdyq kúshke ıe. Brazılııa shekarasyn alǵashqy ret basyp ótý jaǵdaıy mindetti túrde tirkelýi kerek. 90 kúnnen artyq merzimge qalǵysy keletinder ruqsatnama aıaqtalǵanǵa deıin 30 kún ishinde Brazılııanyń Federatıvtik polıtsııasyna júginýleri qajet boldy. Eger qujattar úshinshi tulǵa arqyly beriletin bolsa, onda notarıýs bekitken senimhat kerek. Aıta keteıik, qujattardy poshta arqyly jiberý jáne alý shyǵyndaryn qujat usynýshylar ózderi tóleıdi.