Búginde Qazaqstannyń orta bilim berý mektepterinde 2,5 mıllıonnan astam oqýshy bilim alady - B.Jumaǵulov
ASTANA. 5 jeltoqsan. QazAqparat /Gúlmıra Alıakparova/ - Búgingi tańda Qazaqstannyń orta bilim berý mektepterinde 2,5 mıllıonnan astam oqýshy bilim alady.
Bul týraly búgin Astanada bastalǵan «Muǵalimniń kásibı damýy: dástúrleri men ózgeristeri» atty halyqaralyq ǵylymı-tájirıbelik konferentsııada QR Bilim jáne ǵylym mınıstri Baqytjan Jumaǵulov málim etti.
Mınıstr atap kórsetkendeı, búginde Qazaqstanda bilim berýge ІJÓ-niń 4,2 paıyzy jumsalyp otyr. ıÝNESKO usynyp otyrǵan meje - 5-6 paıyz. BUU Damý baǵdarlamasynyń 2010 jylǵy baıandamasyna sáıkes, Qazaqstan adamı áleýetti damytý deńgeıi joǵary elderdiń qataryna endi.
«Munda muǵalimder korpýsynyń eńbegi joǵary. Qazaqstanda 2,5 mln.-nan astam oqýshy bilim alady. Muǵalimderge, ásirese, Qazaqstan údemeli ındýstrııaldy-ınnovatsııalyq damý jolyna túsip otyrǵan kezeńde úlken jaýapkershilik artylýda. Bul bilim berýdiń barlyq deńgeıinde bilimniń múldem bólek sapasyn talap etedi jáne ustaz bul protseste asa mańyzdy tulǵa bolyp tabylady», - dedi B.Jumaǵulov.
Vedomstvo basshysy atap kórsetkendeı, mektepterdegi bilim berýdiń obektıvti kórinisin alý úshin, Qazaqstan PISA jáne TIMSS halyqaralyq zertteýlerine qatysty. TIMSS-tyń nátıjesi boıynsha, 4-inshi synypta oqıtyn qazaqstandyq oqýshylar 5-inshi orynǵa, al jaratylystaný boıynsha 11-inshi orynǵa shyqty.
«Al PISA-nyń zertteýlerinde biz jalpy reıtıngte 65 eldiń arasynda tómengi 58-inshi orynǵa ornalastyq. Sebebi mektepterde, túlekterdi alǵan bilimderin kúndelikti ómirde qoldanýǵa daıarlaý nashar júrgiziledi. Bul bizdiń pelagogıkanyń keleńsiz tustarynyń biri, ózgesi de bar jáne olarǵa budan bylaı kóz juma qaraı almaımyz», - dep túıindedi B.Jumaǵulov.
