Búginde elimizdiń farmatsevtıka ónimderiniń 20 paıyzy eksportqa shyǵarylyp otyr - Á. Isekeshev
Bul týraly búgin Astanada ótken on-laın konferentsııa barysynda QR Úkimet basshysynyń orynbasary-ındýstrııa jáne jańa tehnolgııalar mınıstri Áset Isekeshev málim etti, dep habarlaıdy QazAqparat.
«Elbasy farmatsevtıka boıynsha 2014 jylǵa árbir ekinshi dári-dármek otandyq bolýy maqsatyn qoıdy. Biz bul tapsyrmany oryndaımyz»,-dep atap ótti mınıstr.
Onyń aıtýynsha, saladaǵy negizgi máseleniń birinshisi memlekettik tapsyrysqa baılanysty, ekinshisi standart jáne sapaǵa qatysty.
«2014 jylǵa qaraı farmatsevtıkanyń barlyq kásiporyndary GMP standarttaryna kóshýi tıis. Bul halyqaralyq standarttar ónimdi shetelge shyǵarýǵa múmkindik beredi»,-dedi mınıstr. Onyń sózine qaraǵanda, osy standarttarǵa kóshpegen kásiporyndardyń bolashaǵy bulyńǵyr bolmaq.
«Farmatsevtıkada jaqsy áleýetti baıqap otyrmyz. Atap aıtqanda qazirgi kezde elimizde farmatsevtıka ónimderiniń 20 paıyzy alys jáne jaqyn shetelge eksportqa shyǵarylyp otyr»,-dedi Á. Isekeshev.
