Búginde «Bolashaq» baǵdarlamasymen álemniń 33 elinde 2796 stıpendıat bilim alýda
Bul týraly búgin Úkimet otyrysynda QR Prezıdentiniń «Bolashaq» halyqaralyq baǵdarlamasyn iske asyrý qorytyndylarymen tanystyrǵan QR Bilim jáne ǵylym mınıstri Baqytjan Jumaǵulov aıtty.
«Bul baǵdarlama árqashan elimizge qajetti mamandardy daıarlaýǵa baǵyttaldy. 1994 - 2013 jyldar aralyǵynda 9250 stıpendııa taǵaıyndaldy. Bitirgen túlekter sany - 5714. Al, 2 796 stıpendıat álemniń 33 elinde bilim alýda», - dedi mınıstr.
Onyń atap ótýinshe, «Bolashaq» baǵdarlamasynyń túlekteri joǵary kásibı biliktiliktiń úlgisin kórsetýde. Olardyń kópshiligi memlekettik organdar men ulttyq kompanııalarda jaýapty qyzmet atqarýda. Mysaly, Baýyrjan Baıbek, Ǵabıdolla Ábdirahymov, Qýandyq Bıshimbaev, Qýanysh Tileýshın jáne basqalardy ataýǵa bolady.
«Búginde túlekterdiń 20 paıyzy memlekettik sektorda jumys isteıdi. Sonymen qatar, ulttyq kompanııalarda - 21%, jekemenshik kompanııalarda - 55%, halyqaralyq uıymdar men úkimettik emes uıymdarda - 4%», - dedi B.Jumaǵulov.